هەلی خوێندن بە سیستەمی خوێندنی پۆلیتەکنیک
Post date: Aug 12, 2020 5:54:23 PM
زانکۆی پۆلیتەکنیکی سلێمانی/ بەڕێوەبەرایەتی تۆماری گشتی هەلی خوێندن بۆ دەرچووانی پەیمانگا تەکنیکیەکان ڕادەگەیەنێت بۆ تەواوکردنی خوێندنی بەکالۆریۆس لە کۆلێجە تەکنیکیەکانی زانکۆی پۆلیتەکنیکی سلێمانی بە سیستەمی خوێندنی پۆلیتەکنیک / پارالێل.
ئەم دەرفەتە لە (١٢/٨/٢٠٢٠) تاوەکو (٢/٩/٢٠٢٠) بەردەوام دەبێت، وە خوازیارانی خوێندن دەتوانن لە ڕێگەی ئەم لینکەی خوارەوە داواکاریەکانیان بە شێوەی ئەلیکترۆنی پێشکەش بکەن.
تێبینی:
１- مه‌رج نیه هه‌ر خوێندكارێك كه داواکارى پێشكه‌ش كرد وه‌ربگیرێت له‌به‌رئه‌وه‌ی وه‌رگرتن به پێشبڕكێ به‌پێی پلانی به‌شه زانستییه‌كان ده‌بێت. بۆ پڕكردنه‌وه‌ی كورسییه‌كان به‌پێی پلانی وه‌رگرتن ، رێزبه‌ندی نمره‌ی ده‌رچونی دبلۆم و تەمەن ده‌كرێت به پێوه‌ر بۆ ده‌ستنیشانكردنی خوازیاره سه‌ركه‌وتووه‌كان و هیچ پێوه‌رێكی تر به‌كارناهێنرێت.
２- مەرجى تەمەن بۆ پێشکەش کردن لە(١/١/١٩٨٠) وبچوکتر.
３- بۆ کۆلێژە تەکنیکییە ئەندازیارییەکان مەرجى نمرە بۆ پێشکەش کردن و پێشبڕکێ (70%) کەمتر نەبێت.
４- بۆ کۆلێژە تەکنیکییە تەندروستییەکان مەرجى نمرە بۆ پێشکەش کردن و پێشبڕکێ (65%) کەمتر نەبێت.
５- بۆ کۆلێژە تەکنیکییەکانى تر مەرجى نمرە بۆ پێشکەش کردن و پێشبڕکێ (60%) کەمتر نەبێت.
بەڕێوەبەرایەتی تۆماری گشتی
زانکۆی پۆلیتەکنیکی سلێمانی
١٢/٨/٢٠٢٠