ئاگادارى
چەند بڕیارێکى گرنگ لە ئەنجومەنی وەزارەتی خوێندنی باڵا و توێژینەوەی زانستی لەبارەى پرۆسەى خوێندن
چەند بڕیارێکى گرنگ لە ئەنجومەنی وەزارەتی خوێندنی باڵا و توێژینەوەی زانستی لەبارەى پرۆسەى خوێندن ئەمڕۆ چوارشەممە ڕێکەوتی (٢٠٢٠/٤/٨) بە ئامادەبوونی سەرجەم ئەندامەکانی، ئەنجومەنی وەزارەتی خوێندنی باڵا و توێژینەوەی زانستی کۆبونەوەی ژمارە (٤)ی ساڵی (٢٠٢٠)ی ئاسایی خۆی بە شێوازی ئۆنلاین ئەنجامدا. کۆبوونەوەکە بە ناردنی درود و سڵاو بۆ گیانی پاكی شەهدانی دوێنێی میحوەری کوڵەجۆ و هەمو شەهیدانی رێگای ڕزگاری کوردستان و دەربڕینی هاوخەمی بۆ کەسوکاری سەربەرزیان دەستی پێکرد و هیوای چاکبونەوەی بۆ بریندارەکانی ئەو پەلامارە تیرۆریستییە خواست. لە دەستپێکی کۆبونەوەکەدا هەڵسەنگاندنێکی بابەتیانەمان بۆ دۆخی ئێستای بڵاوبونەوەی پەتای کۆرۆناو ڕێکارەکانی حکومەتی هەرێمی کوردستان بۆ رێگریگریکردن لەبڵاوبونەوەی پەتاکە خستەڕو، هەروەها پشتیوانی تەواوی وەزارەتی خوێندنی باڵامان بۆ سەرخستنی هەنگاوەکانی حکومەت دوپاتکردەوە. هاوکات سوپاس و دەستخۆشی ئاراستەی هەموو زانکۆکانی کوردستان کرا بۆ بەشداری و پشتگیریان لە سەرخستنی ڕێکاری حکومەتی هەرێمی کوردستان لە ڕوبەروبونەوەی ئەم پەتایە، هەروەها سوپاسی تایبەتی ئاراستەی ئەو زانکۆیانە کرا کە لەڕێگای بنیاتنانی تاقیگەو بەشداری لە پرۆسەی دەستنیشانکردنی نەخۆشییەکەو دابینکردنی مادەی پێویست بۆ تێستەکان و پێکهێنانی تیمەکانی ڕاوێژکاری و هۆشیاری تەندروستی پشتیوانی دامەزراوەکانی وەزارەتی تەندروستی بون. هەروەها داوای بەردەوامی و چڕکردنەوەی زیاتری هەوڵەکانمان لێکردن بۆ پشتیوانی کەرتی تەندروستی وڵاتەکەمان. هەروەها ستایشی پشتیوانی و خۆڕاگری کۆمەڵانی خەڵکی کوردستانمان کرد لە پابەند بونیان بە جێبەجێکردنی ڕێنماییە تەندروستی و خۆپارێزییەکان. تەوەرێکی دیکەی کۆبونەوەکە تایبەت بو بە دیراسەکردنی بژاردەکانی بەردەم زانکۆکانی کوردستان بۆ پاراستنی پرۆسەی خوێندنی ٢٠١٩/٢٠٢٠، بۆ ئەم مەبەستە هەمو زانکۆ حکومییەکان و زانکۆ و پەیمانگە تایبەتەکان ڕاپۆرتی وردیان دەربارەی ئامادەکاریەکان پیشکەش بە ئەنجومەنی وەزارەت کرد، دوای هەڵسەنگاندنی ڕاپۆرتەکانی دامەزراوە حکومی و تایبەتەکان و دوای گفتوگۆیەکی وردو زانستی، ئەنجومەنی وەزارەتی خویندنی باڵا و توێژینەوەی زانستی ئەم بڕیارانەی لای خوارەوەی دەرکرد: 1. ئەنجومەنی وەزارەت دڵنیایی دەداتە هەمو قوتابیان و خوێندکارانی کوردستان و کەسوکاریان کە ساڵی خوێندنی (٢٠١٩-٢٠٢٠) بەفیڕۆ ناچێت و بە لەبەرچاوگرتنی بارودۆخەکە ڕێکاری زانستی پێویست دەگیرێتە بەر بۆ پاراستنی پرۆسەی خوێندن. 2. زانکۆکان بەردوام دەبن لە ئامادەکارییەکانیان بۆ ئەوەی ئەگەر هەتا ڕێکەوتی (٢/٥/٢٠٢٠) نەتوانرا خوێندنی ئاسایی نێوکامپەس دەستپێبکاتەوە ئەوا خوێندنی ئەلکترۆنی بە شیوازی (پاڵپشتکاری) دەستپێدەکات بەمەبەستی تەواوکردنی ئەو بەشە کەمەی پرۆگرامی خوێندنی ئەمساڵ کە نەخوێنراوە. 3. لە حاڵەتی پیادەکردنی خوێندنی ئەلکترۆنی بە شێوازی (پاڵپشتکاری)، ئەوا لە چوارچێوەی سەربەخۆیی زانستی و ئەکادیمی دەستەڵات دەدرێتە زانکۆکان بۆ ئەوەی سەربەست بن لە بەکارهێنانی هەر جۆرە پلاتفۆرم و ئەپلیکەیشنێک کە لەگەڵ تایبەتمەندێتی زانکۆکانیاندا دەگونجێت بۆ جێبەجێکردنی سیستمی ناوبراو. 4. وەزارەتی خوێندنی باڵا هاوکاری زانکۆکان دەبێت بۆ چارەسەرکردنی هەموو ئەو گرفت و ئاڵنگاریانەی کە دێنە بەردەم جێبەجێکردنی ئەم پرۆسەیە. 5. ئەو قوتابی و خوێندکارانەی کە پێشتر دەستیان بە پڕۆسەی خوێندنی باڵا (دبلۆم/ ماستەر/ دکتۆرا) کردووە و لە قۆناغەکانی (کۆرسات، توێژینەوە، گفتوگۆی نامە)-دان ئەوا بە هەمان شێوازی خوێندنی ئەلکترۆنی درێژە بە پرۆسەی خوێندن دەدەن. هەروەها ئەو قوتابی و خوێندکارانەی کە پێویستیان بە بەکارهێنانی تاقیگەی هەبێت، دوای ڕەزامەندی سەرۆکایەتی زانکۆ، هاوکاری دەکرێن بۆ وەرگرتنی ڕەزامەندی لایەنە پەیوەندیدارەکان بۆ ئەوەی بتوانن کارەکانیان لە تاقیگەکان ئەنجام بدەن بەمەرجی پابەندبوون بە رێکارە تەندروستییەکان. 6. زانکۆ و پەیمانگە تایبەتەکانیش بەهەمان شێوازی زانکۆ حکومییەکان پێویستە پاپەندبن بە جێبەجێکردنی تەواوی خاڵەکانی سەرەوە. 7. (دەزگای سەرپەرشتی و دڵنیای جۆری) و (فەرمانگەی خوێندن و پلان دانان و بەدواداچوون) لە وەزارەتی خوێندنی باڵا و توێژیەوەی زانستی بەدواداچوونی بەردەوام دەکەن بۆ دڵنیابوون لە چۆنییەتی بەڕێوەچوونی پرۆسەی خوێندنی ئەلکترۆنی. 8. وەزاەرتی خوێندنی باڵا و توێژینەوەی زانستی داوا لە سەرۆکایەتی ئەنجومەنی وەزیران دەکات کە لە ڕێگەی وەزارەتی گواستنەوە و گەیاندن داوا لەسەرجەم کۆمپانیاکانی ئینتەرنێت بکرێت کە پاکێجی تایبەتی ئینتەرنێت بدەن بە زانکۆکان و مامۆستایان و خوێندکاران و قوتابییان بەشێوەیەک کە خێرایی و نرخەکەی گونجاو بێت و ئەڕکی سەرشانییان کەم بکاتەوە. 9. وەزارەتی خوێندنی باڵا و توێژینەوەی زانستی لە ڕێگای ئەنجومەنی وەزیرانی بەڕێزەوە کار دەکات بۆ چارەسەرکردنی ئەو گرفتە یاسایی و داراییانەی کە دێنە ڕێگای جێبەجێکردنی ئەم پرۆسەیە. |
ئەنجامی وەرگیراوان لقی پیشەیی بۆ سیستەمی خوێندنی پارالێڵ
|
| Attachments:
peshay-paralel.pdf
لیستی وەرگیراوانی ناوچە کوردستانیەکانی دەرەوەی هەرێم - ئێواران و پارالێڵ
|
ئەنجامی وەرگیراوان لقی پیشەیی بۆ سیستەمی خوێندنی ئێواران
ئەنجامی وەرگیراوانی لقی پیشەیی ئەوانەی بە فۆرمی دەستی داواکاریان پێشکەش کردوە بۆ سیستەمی ئێواران خوێنداران دەتوانن لە سبەی چوار شەممەوە بەرواری ٢٠١٩/١٠/٣٠ بۆ ماوەی یەک هەفتە سەردانی ئەو شوێنە بکەن کە بەرامبەر ناوەکانیان دیاری کراوە بۆ ئەنجام دانی مامەڵە . |
| Attachments:
peshay-ewaran-2020.pdf
فەرمانی زانکۆیی و ئەنجامی سکاڵای خوێندکاران
فەرمانی زانکۆیی وەرگیراوان و ئەنجامی سکاڵای خوێندکاران ( زانکۆلاین - پارالێڵ - ئێواران ) پێویستە خوێندکاران لە سبەینێ وە بەرواری (٢٠١٩/١٠/٢٣) بۆ ماوەی ١٠ رۆژ پەیوەندی بەو بەشانەوە بکەن کە لێی وەرگیراون . |
| Attachments:
anjam skala.pdf
ز. پ. سلێمانى.pdf
فەرمانی وەرگیراوانی لقی پیشەیی ئەوانەی لە ڕێگای خوێندنگەکان فۆرمیان پێشکەش کردوە
فەرمانی وەرگیراوانی لقی پیشەیی ئەوانەی لە ڕێگەی خوێندنگەکانیانەوە فۆرمیان پێشکەش کردوە پێویستە خوێندکاران لە سبەینێوە بەرواری ٢٠١٩/١٠/٢٢ بۆ ماوەی یەک هەفتە پەیوەندی بەو بەشانەوە بکەن کە بەرامبەر ناوەکانیان دیاری کراوە |
| Attachments:
list.pdf
فەرمانی زانکۆیی خوێندکارانی یەکەم-دووەم-سێیەم- سیستمی پۆلیتەکنیک
ئەنجامی وەرگرتنی خوێندکارە یەکەم و دووەم و سێیەمەکانی سەر ئاستی بەشەکانی پەیمانگە تەکنیکیەکان و ئەو خوێندکارانەی بە سیستمی پۆلیتەکنیک (پارالیل)  وەرگیراون لە کۆلێجی هاوتا خوێندکاران دە توانن لە سبەینێ بەرواری ٢٠١٩/١٠/١٥وە بۆ ماوەی یەک هەفتە مامەڵەی بوون بە خوێندکاری ئەنجام بدەن لەو بەشانەی وەرگیراون
لیستی ناوی خوێندکارە یەکەمەکانی سەر ئاستی بەشەکان لیستی ناوی وەرگیراوانی خوێندکارە یەکەمەکان بە سیستمی پاڕالێل لیستی ناوی خوێندکارە یەکەمەکانی خوێندنی ئێواران لیستی ناوی خوێندکارانی وەرگیراو بە سیستمی پۆلیتەکنیک لیستی ناوی خوێندکارانی یەکەمەکانی هەولێر خوێندنی ئێواران بە پارالێڵ لیستی یەکەمەکانی هەولێر بۆ سلێمانی کەمتر لە ٨٠٪ پێداویستیەکانی ئەنجام دانی مامەڵەی خوێندکاران
زانکۆى پۆلیتەکنیکى سلێمانى سلێمانی - قڕگه-شه‌قامی ورمێ-گه‌ڕه‌كی ماردین-327-كۆڵانی 76، ڕاسته‌وخۆ پشت به‌نزینخانه‌ی وڵات بەرێوەبەرایەتی تۆماری گشتی زانکۆ بۆ پەیوەندی کردن :- ژمارە تەلەفونی تۆماری گشتی -0533351343 ، Email :registration@spu.edu.iq
|
فەرمانی زانکۆی وەرگیروان بە سیستەرمی (زانکۆلاین - پارالێڵ- ئێواران )
فەرمانی زانکۆیی وەرگیراوانی ( زانکۆلاین - پارالێڵ - ئێواران ) پێویستە خوێندکاران لە رۆژی یەک شەممە بەرواری (٢٠١٩/١٠/١٣) بۆ ماوەی ١٠ رۆژ پەیوەندی بەو بەشانەوە بکەن کە لێی وەرگیراون . |
| Attachments:
farman .pdf
زانكۆى پۆلیتەكنیكی سلێمانی.pdf
1-10 of 150